«ZÄHMETI GORAMAK WE HOWPSUZ IŞ ŞERTLERINIŇ DÖREDILMEGI - ZÄHMETIŇ ÝOKARY DEREJELI BOLMAGYNYŇ BINÝADY» ATLY MASLAHATY GEÇIRILDI

2022-nji ýylyň 9-njy fewralynda Türkmenistanyň Kärdeşler arkalaşyklarynyň Milli merkeziniň gurnamagynda Türkmenistanyň Jemgyýetçilik guramalarynyň merkeziniň mejlisler zalynda «Zähmeti goramak we howpsuz iş şertleriniň döredilmegi -  zähmetiň ýokary derejeli bolmagynyň binýady»  atly maslahaty geçirildi.

Şu maslahaty Türkmenistanyň Kärdeşler arkalaşyklarynyň Demirýolçylaryň  kärdeşler arkalaşygy boýunça utgaşdyryjysy,Geňeşiniň başlygy A.Aşşiýew alyp bardy.

Bu maslahaty “Halkyň Arkadagly zamanasy” ýyly mynasybetli geçirilip, oňa     “Türkmenstandartlary” baş döwlet gullugynyň Zähmet we ýerasty baýlyklary goramak bölüminiň uly döwlet inspektory B.Omarow,   Türkmenistanyň Kärdeşler arkalaşyklarynyň Milli merkeziniň Kärdeşler arkalaşyklarynyň agzalarynyň durmuş-zähmet hukuklaryny goramak boýunça bölüminiň baş  tehniki gözegçisi G.Nyýazlyýew, Türkmenistanyň Kärdeşler arkalaşyklarynyň Nebitgaz senagaty toplumynyň işgärleriniň kärdeşler arkalaşygy boýunça tehniki gözegçisi G.Seýtiýew, Türkmenistanyň Kärdeşler arkalaşyklarynyň Milli merkeziniň Kärdeşler arkalaşyklarynyň agzalarynyň durmuş-zähmet hukuklaryny goramak boýunça bölüminiň tehniki gözegçisi G.Annamyradow, Türkmenistanyň Kärdeşler arkalaşyklarynyň Gurluşyk we senagat  işgärleriniň  kärdeşler arkalaşygy boýunça utgaşdyryjysy, Geňeşiniň başlygy R.Rahmanow  dagylar  çykyş etdiler.

Maslahata gatnaşyjylar Türkmenistanyň zähmet kanunçylygynda bellenen zähmeti goramak we onuň şertleri, zähmeti goramak babatda döwlet syýasatynyň esasy ugurlary, işgärleriň howpsuzlyk we arassaçylyk talaplaryna jogap berýän zähmete bolan hukugy, zähmeti goramak babatda işgärleriň hukuklaryny goramagyň döwlet kepillikleri, iş berijiniň zähmeti goramagy üpjün etmek boýunça borçlary barada  çykyş etdiler.

Ýörite habarçymyz.