Awtoulag we ýol hojalyk işgärleriniň kärdeşler arkalaşygy

Türkmenistanyň Awtoulaglar we ýol hojalyk işgärleriniň kärdeşler arkalaşygy

1968-nji ýylyň 16-njy fewralynda Awtomobil ulaglary we awtomobil ýollary işçileriniň kärdeşler arkalaşygynyň Respublikan komiteti döredilipdir.

1990-njy ýylyň 10-njy awgustynda Awtomobil ulaglary we ýol hojalyk işgärleriniň kärdeşler arkalaşygynyň Türkmen Respublikan Komiteti diýlip atlandyrylypdyr.

1991-nji ýylyň 19-njy oktýabrynda Ýol hojalyk işgärleriniň kärdeşler arkalaşygynyň Respublikan Komiteti diýlip atlandyrylypdyr.

1992-nji ýylyň 25-nji ýanwarynda Türkmenistanyň Awtoulaglar işgärleriniň kärdeşler arkalaşygynyň Respublikan Komiteti diýlip atlandyrylypdyr.

1992-nji ýylyň 30-njy aprelinden Awtomobil ulaglary işgärleriniň kärdeşler arkalaşygynyň Merkezi diýlip atlandyrylypdyr.

1992-nji ýylyň 24-nji iýulynda Awtoulaglar we ýol hojalyk işgärleriniň kärdeşler arkalaşygynyň Komiteti diýlip atlandyrylypdyr.

1995-nji ýylyň 8-nji sentýabrynda pudaklaýyn kärdeşler arkalaşygynyň dörediji konferensiýasynda Türkmenistanyň Awtoulaglar we ýol hojalyk işgärleriniň kärdeşler arkalaşygynyň Komiteti diýlip atlandyrylypdyr.

2000-nji ýylyň 2-nji awgustyndaky №15-1 belgili Prezidium karary bilen 2000-nji ýylyň 10-njy awgustyndan Komitetiň ýuridiki şahs hökmündäki hukuklary ýatyrylyp, TKAMM-nyň Awtoulaglar we ýol hojalygy işgärleriniň arkalaşygy bölümi döredilipdir.

2001-nji ýylyň 20-nji fewralyndaky №38-2 belgili karar bilen bu bölüm ýatyrylyp, jemgyýetçilik başlangyçlary esasynda Türkmenistanyň Awtoulaglar we ýol hojalyk işgärleriniň kärdeşler arkalaşygynyň Komiteti döredilipdir.

2001-nji ýylyň 4-nji maýynda tassyklanan Türkmenistanyň kärdeşler arkalaşyklarynyň Tertipnamasyna laýyklykda «Komitet» sözi «Geňeş» sözi bilen çalşyrylyp, häzirki wagtda Türkmenistanyň Awtoulaglar we ýol hojalyk işgärleriniň kärdeşler arkalaşygynyň Geňeşi diýlip atlandyrylýar.