Ylym we bilim işgärleriniň kärdeşler arkalaşygy
Türkmenistanyň Ylym we bilim işgärleriniň kärdeşler arkalaşygy
Türkmenistanyň Ylym we bilim işgärleriniň kärdeşler arkalaşygy öz taryhynyň başlangyjyny 1920-nji ýylyň dekabryndan alyp gaýdýar. Şol döwürde ol magaryf sistemasy, medeni-sanitariýa gullugy boýunça kärdeşler arkalaşygy hökmünde döredilipdir.
1924-nji ýylyň oktýabrynda Türkmenistan Sowet Sosialistik Respublikasy (TSSR) döredilip, öňki kärdeşler arkalaşygy TSSR-iň magaryf işgärleriniň kärdeşler arkalaşygy diýlip täzeden döredilipdir.
1926-njy ýylyň 15-nji fewralynda kärdeşler arkalaşyklarynyň okrug sowetleri döredilip, olaryň düzümine pudaklaýyn kärdeşler arkalaşyklary girizilipdir.
1939-njy ýylyň noýabrynda okrug sowetleri ýatyrylyp, ýerlerde pudaklaýyn kärdeşler arkalaşyklary hereket etmegini dowam etdiripdir.
1953-nji ýylda kärdeşler arkalaşygynyň welaýat birleşmeleri gaýtadan döredilipdir.
1991-nji ýyldan 1993-nji ýylyň 23-nji iýunyna çenli Türkmenistanyň ylym we halk magaryf işgärleriniň kärdeşler arkalaşygynyň Merkezi Komiteti hereket edipdir. 1993-nji ýylyň 23-nji iýunyndan 1994-nji ýylyň 17-nji iýunyna çenli Türkmenistanyň ylym we bilim işgärleriniň kärdeşler arkalaşygynyň Merkezi Komiteti diýlip atlandyrylypdyr.
1994-nji ýylyň 17-nji iýunyndan 1995-nji ýylyň 15-nji sentýabryna çenli Türkmenistanyň ylym we bilim işgärleriniň kärdeşler arkalaşygynyň Soweti diýlip atlandyrylypdyr.
1995-nji ýylyň 15-nji sentýabryndan 2000-nji ýylyň 12-nji maýyna çenli Türkmenistanyň ylym we bilim işgärleriniň kärdeşler arkalaşygynyň Komiteti diýlip atlandyrylypdyr.
2000-nji ýylyň 12-nji maýyndan 2-nji awgustyna çenli Türkmenistanyň bilim işgärleriniň kärdeşler arkalaşygynyň Komiteti diýlip atlandyrylypdyr.
2000-nji ýylyň 2-nji awgustyndan 2008-nji ýylyň 25-nji awgustyna çenli Türkmenistanyň bilim işgärleriniň kärdeşler arkalaşygynyň Komiteti diýlip atlandyrylypdyr.
TKAMM-nyň 2008-nji ýylyň 25-nji awgustyndaky №20-162g karary bilen pudagyň ady Türkmenistanyň Ylym we bilim işgärleriniň kärdeşler arkalaşygynyň Geňeşi diýlip üýtgedilip, häzirki wagta çenli şeýle atlandyrylýar.
