Berkarar döwletiň täze eýýamynyň Galkynyşy döwründe gurluşyk, energetika, jemagat hojalygy we senagat pudaklaryny ösdürmekde, ylmy-tehniki innowasiýalaryň gazananlaryna esaslanyp, öndürülýän önümleriň we edilýän hyzmatlaryň möçberini artdyrmakda hem-de täze belentliklere ýetirmekde toplumyň işgärleriniň halal we tutanýerli zähmetini dabaralandyrmak maksady bilen, Türkmenistanyň Prezidentiniň “Gurluşyk we senagat toplumynyň işgärleriniň gününi bellemek hakynda” Kararyna laýyklykda, Gurluşyk we senagat toplumynyň işgärleriniň güni her ýylyň 3-nji noýabrynda bellenilýär.
2026-njy ýylyň oktýabr aýynyň 28-ne Türkmenistanyň Jemgyýetçilik guramalarynyň binasynda Türkmenistanyň Gurluşyk we senagat işgärleriniň kärdeşler arkalaşygynyň, Energetika işgärleriniň kärdeşler arkalaşygynyň hem-de Awtoulaglar we ýol hojalygy işgärleriniň kärdeşler arkalaşygynyň Geňeşleriniň bilelikde gurnamagynda “Gurluşyk we senagat toplumynyň batly gadamlary” atly aýdym-sazly dabaraly maslahaty “Altyn asyr” teleýaýlymynyň ýazgy etmeginde geçirildi.
Dabaraly maslahaty Türkmenistanyň Energetika ministrliginiň “Energohyzmat” birleşiginiň folklýor - etnografiýa studiýasynyň “Serpaý” döredijilik toparynyň aýdym-sazly çykyşlary bezedi.
Pudaklaýyn kärdeşler arkalaşyklarynyň Geňeşleri 2026-njy ýylyň 3-nji noýabrynda belleniljek Gurluşyk we senagat toplumynyň işgärleriniň güni mynasybetli, Aşgabat şäherinde ýerleşýän pudagyň edara - kärhanalarynyň we okuw mekdepleriniň KA-nyň işjeň agzalaryny TKA-nyň Milli merkeziniň ýadygärlik sowgatlary bilen höweslendirdiler.
Aýdym-sazly dabaraly maslahata gatnaşyp çykyş eden Aşgabat şäherinde ýerleşýän pudaklaryň edara - kärhanalarynyň we okuw mekdepleriniň kärdeşler arkalaşyklarynyň işjeň agzalary buýsançly çykyşlarynda Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň, hormatly Prezidentimiz, Arkadagly Gahryman Serdarymyzyň janlarynyň sag, ömürleriniň uzak bolmagyny, alyp barýan umumadamzat bähbitli işleri rowaçlyyklara beslenmegini arzuw edip, çäksiz alkyşlaryny beýan etdiler.
Türkmenistanyň Energetika
işgärleriniň kärdeşler arkalaşygynyň
Geňeşiniň esasy hünärmeni A.Pirnazarowa.
