2026-njy “Garaşsyz, baky Bitarap Türkmenistan - bedew batly at-myradyň mekany” ýylynyň tomus möwsüminiň soňky dynç alyş tapgyry hem gyzgalaňly häsiýete eýe boldy.
Türkmenistanyň Energetika ministrliginiň “Energohyzmat” birleşiginiň “Çynar” çagalar dynç alyş merkezi Gökdere jülgesiniň gözel we täsin künjeginde ýerleşýär. Tomsuň ilkinji günlerinden başlap merkez Türkmenistanyň Gurluşyk we senagat toplumyna girýän ministrlikleriniň, pudak edaralarynyň degişli edara- kärhanalarynyň işgärleriniň bagtyýar çagalaryny gujak açyp garşylady.
Salkyn saýaly jülgäniň bu gözel künjeginde çagalar uly alada we söýgü bilen gurşalandan soň, olaryň şadyýan gülki sesleri örän joşgunly ýaňlandy. Dynç alyş möwsüminiň soňky tapgyrynda hem geçirilýän medeni çäreler, sport ýaryşlary we döredijilik bäsleşikleri çagalarda ýatdan çykmajak täsirleri galdyrdy. “Eli çeper gyzjagaz” atly örän gyzykly we çekeleňli geçirilen bäsleşigiň ýeňijilerine Hormat hatlary hem-de ýadygärlik sowgatlary gowşuryldy.
Türkmenistanyň Energetika
işgärleriniň kärdeşler arkalaşygynyň
Geňeşiniň esasy hünärmeni Aýgözel Pirnazarowa
