Magtymguly şaýolunyň ugrunda ýerleşýän «Arkaç» söwda-dynç alyş merkezinde ýakynda Türkmenistanyň Kärdeşler arkalaşygynyň Milli merkeziniň Söwda we telekeçilik ugrunyň işgärleriniň kärdeşler arkalaşygynyň Geňeşiň guramagynda 1-nji iýun — çagalary goramagyň halkara günine bagyşlap «Arkaç» söwda-dynç alyş merkeziniň meýdançasynda yzygiderli çykyşlar şatlyk-şowhuna beslenen aýdym-sazly dabaraly çäresi geçirildi.
1-nji iýun — çagalary goramagyň halkara günine bagyşlap Çagalar tomaşaçylara taýýarlanan meşhur aýdym-saz we tans toparlarynyň çykyşlary döredijilikli sowgat boldy. Bu senäniň esasy maksady jemgyýetiň ünsüni çagalaryň saglygyna, olaryň goraglylygyna we deň hukuklylygyna gönükdirmekden ybaratdyr.Çagalar durmuşyň iň gymmatly baýlygy, maşgalanyň şatlygy we ýurduň röwşen geljegidir. Olar dünýäniň ähli gözelligini, päkligini we umydyny özlerinde jemleýärler. Çagalary goramak diňe bir olary iýmitlendirmek ýa-da geýdirmek däl, eýsem olara dogruçyl terbiýe bermek, ruhy taýdan sagdyn ýetişdirmek, zehinlerini açmaga ýardam bermek we her bir çaganyň özüni bagtly duýmagyny üpjün etmekdir.Türkmenistanda ýaş nesil hakynda alada döwlet syýasatynyň ileri tutulýan ugry bolup durýar. Ýurdumyzda çagalaryň bilim almagy, döwrebap dynç almagy we sagdyn bedenli bolup ýetişmekleri üçin ähli şertler döredilendir. 1-nji iýun güni ähli ulular üçin çagalyk älemine gaýdyp gelmäge we çagalara öz söýgimizi, mährimizi ýene-de bir gezek bildirmäge ajaýyp mümkinçilik döredýär. Olaryň bagtly çagalygy we asuda asmanda parahat ýaşamagy biziň iň esasy borjumyzdyr. Arkadagly Serdarymyzyň ösüp gelýän ýaş nesillere asuda durmuşy kepillendirmek ugrunda edýän aladalary hem munuň aýdyň görkezijisi bolup durýar. Goý, eziz diýarymyzda we tutuş ýer ýüzünde çagalaryň gülki sesleri hemişe belentden ýaňlansyn!
Durmuşymyzyň gymmaty we parahat geljegimiziň diregi bolan bagtyýar çagalar barada edýän atalyk aladalary üçin, Gahryman Arkadagymyzyň, Arkadagly Serdarymyzyň il-ýurt bähbitli, sebit we umumadamzat ähmiýetli işleri rowaç, belent başlary aman bolsun!
TKAMM-yň Söwda we telekeçilik ugrunyň işgärleriniň KA-nyň Geňeşiniň başlygy Jumaýew Maksatmyrat.
