Berkarar döwletiň täze eýýamynyň Galkynyşy döwründe türkmen halkynyň Milli Lideri Gahryman Arkadagymyzyň we Arkadagly Gahryman Serdarymyzyň tagallalarynyň netijesinde bagtyýar çagalygyň mekanyna öwrülen ýurdumyzda ýaş nesiller üçin giň gerimli işler amala aşyrylýar.
2026-njy „Garaşsyz, baky Bitarap Türkmenistan – bedew batly at-myradyň mekany” ýylynyň tomus paslynda ýurdumyzyň ähli künjeklerindäki çagalar sagaldyş-dynç alyş merkezlerinde dynç alyş möwsümi uly şatlyk-şowhun bilen dowam edýär. Türkmenistanyň Energetika ministrliginiň “Energohyzmat” birleşiginiň Gökderedäki “Çynar” çagalar dynç alyş merkezinde hem çagalaryň tomusky dynç alşyny ýokary derejede guramak we olaryň saglygyny berkitmek üçin ähli şertler döredilýär. Golaýda şu sagaldyş-dynç alyş merkezinde birleşigiň kärdeşler arkalaşygynyň ilkinji guramasy tarapyndan çagalaryň başarnyklaryny kämilleşdirmek, saglyklaryny berkitmek maksady bilen, ýörite taýýarlanan meýilnama esasynda sportuň futbol, woleýbol, basketbol, tanap çekmek, küşt, şaşka sport görnüşleri boýunça sport ýaryşlary geçirildi. Üstünlik gazanan çagalara Hormat haty we ýadygärlik sowgatlar gowşuryldy. Geçirilýän ähli çäreler çagalaryň dynç alyş döwrüni has-da gyzykly pursatlara besleýär.
Türkmenistanyň Energetika
işgärleriniň kärdeşler arkalaşygynyň
Geňeşiniň esasy hünärmeni A.Pirnazarowa